نورا عمرو

أعلن الرائد خالد أبو بكر المتحدث باسم الجيش الإليكترونى عن مسابقه تقيمها الجيش الإليكترونى عبر حسابه الشخصى على موقع التواصل الإجتماعى “فيس بوك”الجيش الالكتروني بأذن الله قريبا جدا حيعمل مسابقه متاح للجميع الاشتراك فيها و فيها جوائز تحفيزيه و المسابقه حتكون كالأتي :1- مسابقه لكل الناس و دي حتكون عباره عن بوست او قصه قصيره تكتبها او تكتبيها بنفسك و حننشرها هنا علي الحساب و علي عينك يا تاجر و امام الجميع اللي حيجيب اكتر لايكات و شير حيفوز معانا برحله عمره ليه و لمرافق ليه هو يختاره و لو مش عاوز هو يطلع من حقه انه يختار اي حد مكانه و المرافق اللي هو يختاره برضه سواء من اهله او من قرايبه زي ما هو عاوز

.
2- الشق الاخر في الجزئيه دي و يدون مسابقات اللي عاوز يطلع عمره برضه و معاه برضه مرافق و يكون محتاج و له اي ظروف او بطوله او اي حاجه حيبعتلنا قصته او قصه الشخص اللي بيرشحه و الدليل علي الكلام و الظروف دي و حنفرز احنا الطلبات بسريه تامه و حنختار الاكثر احتياجا او الاكثر استحقاق للعمره و حيطلع هو و مرافق برضه و فقط حنعلن عن اسمه بس مش حنعلن عن ظروفه او احتياجه الا لو هو عاوز يعلن .

3 – المسابقه الثالثه و الاهم و دي للمحترفين و هي اللي حيعمل فيديو قوي تحفيزي عن القوات المسلحه المصريه و بطولاتها و برضه حيبعتلنا الفيديو و حننشره علي صفحه الجيش الالكتروني و الفيديو اللي حياخد اعلي مشاهده برضه المركز الاول حيكسب 1000 دولار و المركز الثاني موبايل اي فون 7 و المركز الثالث حيكسب 500 دولار و برضه كله علي عينك و امام الجميع و اللي حيحدد فوزك هو نسبه المشاهده ادام الناس كلها و بشفافيه مطلقه .
بأذن الله حنعلن عن التوقيت قريبا و المسابقه دي نوع من انواع التحفيز و الترابط و المشاركه .
الجميع من حقه الاشتراك و حنبلغكوا بالتفاصيل في القريب العاجل و الجوائز مقدمه من فريق الجيش المصري الالكتروني .و اللي حيطلع عمره حيطلع معانا بأذن الله اول ما العمرات تفتح في القريب العاجل