كتبت:نورا عمرو
علق الناقد الفنى “حسين إسماعيل”على دور الفنان “محمد مهران” فى فيلم من 30 سنه حيث قال عبر حسابه الشخصى على موقع التواصل الإجتماعى “فيس بوك”( محمد مهران ) هعتبره الفترة اللي جاية و تحديدا بعد الفيلم ده هو الحصان الرابح ، بمعني أنه بالفيلم ده حفر لنفسه أسم من دهب ، طبيعة الدور في تصاعد إنفعالي ، و بما أن التمثيل في السينما مش بالترتيب زي المسرح إلا أنه حافظ علي كل إنفعالاته و نظراته و أدائه المحكم ، فخرجت منه شخصية متماسكة من الأول للأخر ، و رغم أن اللي مكتوب يكاد يكون سطحي ، لكن الدور ( الشخصية ) ليها خلفية تاريخية هو ذاكرها و فهمها كويس جدا و أستدعي كل ماضيها في مشهد البكا و اللي بيحكي فيه أسباب صمته الدائم ، و اللي حتي ف صمته كان ماسك الشخصية بكلبش فولاذي … ( مهران ) ممثل قوي و بارع و ممتاز و مليون شابووووه و برافو علي دوره هنا … أحسنت و أحييت الشخصية و خليت ليها دم و لحم … برااااااااااافو … أنا سعيد جداااا بيك .
التعليقات