احمد عنانى

الست دي انا قابلتها من سنتين وكتبت عنها لكن للاسف معرفتش اصورها طول المدة دي رغم اني باشوفها باسمرار امام كلية طب والمناطق المجاورة لها لغاية شارع جيهان بالمنصورة
..الست دي لما شفتها اول مرة كنا في شتاء العام قبل الماضي وكان المطر غزيرا جدا وكانت قاعدة تحت الشجر وسايبة الطفل اللي معاها علي الكرسي المتحرك تحت المطر الشديد وعليه الملاية الخفيفة اللي انتو شايفينها دي بالظبط ..طبعا انا جالي ذهول من المنظر ورحت كلمتها قلتلها حرام عليكي ده ابنك ؟قالتلي طبعا قلتلها مش صعبان عليكي تسببيه تحت المطر وعليه الغطا الخفيف ده !!تخيلوا تقوللي ايه ؟!!أكل العيش مر يا أبله!!انا طبعا كان اول مرة اتعامل او اتكلم مع واحدة من الناس المتسولين دول وكنت خايفة يكون معاها بلطجية يأذوني ..فقررت اني لو شفتها تاني هاصورها لانها استحالة تكون أمه أو حتي قريبته من معاملتها له وكمان سنها الكبير ..دي أكيد سارقاه
حاولت أصحي الطفل لقيته في سابع نومة وده شيء غريب طبعا انه ينام بعمق كده في البرد الرهيب ده وتحت المطر كده و اكيد ماكانش هو الطفل اللي معاها النهاردة !!
الصورة دي من امام مسجد الصديق في صلاة عيد الفطر والحمد لله صورتها بوضوح وهي مش واخدة بالها ..
وفيه غيرها سيدات تانية في نفس المنطقة الجامعة وش جيهان وموجودين بصفة مستمرة ..انا مش عارف الشرطة سايباهم ليه وعليهم 100 علامة استفهام !!!