متابعة تامر الغباتى

كتب الرائد خالد أبوبكر مؤسس الجيش الإلكتروني وأحد أهم المؤسسين للجيش الالكتروني الذين يسببون صداعا دائما لجماعة الاخوان وقنواتها ومذيعيها علي صفحتة علي شبكة التواصل الاجتماعي فيس بوك بوست به رسالة قوية شديدة اللهجة الي قناة الشرق ومذيعها الفنان السابق هشام عبدالله متحديا إياه من نشر رد الرائد خالد علي اتهاماته الكاذبه له حيث قالر في رساله الي قناه الشرق 

رسالتي للفنان و مذيع قناة الشرق / هشام عبد الله و متأكد أن الرساله حتوصله لأني لاحظت و أنا بتفرج عليه أمس في برنامجه و هو بيتحدث عني و بيتهمني أتهامات كاذبه انهم عاملين البوستات بتاعتي ( شاهد أولا ) لذلك أتحداه أنه يكون عنده شرف اعلامي و يعرض كلامي من باب ” حق الرد ” و عارف انه لن يجروء علي نشرها و الا حيفضح نفسه أمام مشاهديه اللي للاسف مصدقينه رغم ان كلامه كله عار عن الصحه و لا يمت للواقع بصله استكمالا لمسلسل الاكاذيب اللي اتقالت عني الاسبوع ده من اعلام الاخوان ( قناه الشرق – شبكه رصد – موقع كلمتي – قناه مكملين ) .

* يا أستاذ هشام حضرتك بتقول أني شغال تبع الشؤون المعنويه للقوات المسلحه و ده كلام كاذب و صدقني اتا كان نفسي أكون شغال معاهم لان ده شرف عظيم بس الشؤون المعنويه ايه دخلها بالفيسبوك و لا المواقع الاخباريه مش فاهم ؟! للاسف أنت بتكدب لاني عمري ما كنت شغال مع اي جهه حكوميه ولاني شغال مع اللي أقوي من الشؤون المعنويه و المخابرات و أمن الدوله و كل الاجهزه الأمنيه , انا شغال مع ” الشعب ” .

* حضرتك بتقول ان انا قائد أله اطلاق اشاعات و تشويه و اختراق و تجسس متسابه علي الشعب و دي طبعا الكذبه التانيه لانك لو تعبت فريق اعدادك و خليته يبحث عن عمليات الجيش الالكتروني حتلاقي اننا فعلا اله لتوضيح و نفي الاشاعات مش لاطلاقها و فعلا احنا متسابين بس مش علي الشعب لا متسابين علي الارهابيين و متسابين علي اللي متعود يطلق اشاعات كل يوم و علي سبيل المثال لاالحصر , فين الطائرات اللي بمليارات اللي السيسي اشتراها من فرنسا ؟ طب ايه حكايه ضابط الجيش المرفود سنه 2012 لميوله الاخوانيه المتطرفه للصالح العام و قبل ما يترفد ودوه مستشفي القوات المسلحه للصحه النفسيه اتحجز فيها 6 شهور و اترفد و اخد بطاقه شخصيه و باسبور مدني و سافر زيه زي اي مواطن عادي و انت استضفته انت و معتز مطر علي انه ضابط مخابرات حربيه هارب و فضل يكذب و انت تكذب لدرجه انكو بتكذبوا الكذبه و ترجعوا تصدقوها ؟ وفين و فين و فين ؟!!

* يا استاذ هشام انا مجرد ضابط شرطه سابق عادي جدا و بقول رايي زي ما اي مواطن بيقول رايه فمش من الرجوله او من المصداقيه انك تاخد كلامي و تقول اني واخد اوامر اقولها و ان المخابرات عاوزه توقع بين القبائل فتخليني اطلع انشر بوست لان المخابرات بتاعتنا مش بالهيافه دي و صدقني لو عاوز انك تعمل تاثير علي الناس و توجه الرأي العام محتاج انك تتكلم بصراحه و تبطل كذب و تتكلم بما يرضي الله لان مهما انت كان جمهورك جاهل او مخطوف ذهنيا أو مغفل مسيره يوم من الايام حيفهم و ساعنها حيعرف اد ايه انت كاذب و مخادع و بتستغل جهله و تكذب عليه .

* و في النهايه انا اكتشفت حضرتك جبت السيناريو الخزعبلي ده منين لاني فتحت صفحه الاستاذه المحترمه زوجتك غادة نجيب لقيتها قبل البرنامج بتاعك امبارح منزله بوست بتقول فيه كلامك اللي انت قلته عني حرفيا و حضرتك للاسف اخدت البوست ده و كدبت بيه علي جمهورك و احب اقول لحضرتك ان مراتك بتقول عليا كده و بتكرهني لاننا من شهرين بالضبط اخترقنا حسابها و دخلنا شفنا محادثاتها و كان شكلها زي الزفت طبعا هي عارفه ليه
* و أحب اطمن حضرتك و اطمن كل امثال اسماء محفوظ و ٦ ابريل و داعش و الاخوان و اي حد تجرأ في يوم من الايام علي بلدي أو اهلها ان الجيش الالكتروني يعتبر في ايامه المعدوده الاخيره و الحمد لله حيكون فيه جيش الكتروني حقيقي و حكومي اسمه ( الامن السيبراني ) و حيكون من كافه الاجهزه الامنيه و بيشتغل فيه ناس علي اعلي مستوي من العلم حيعرف كويس اوي يخلي باله من فضاء مصر الالكتروني من اي من تسول له نفسه العبث في مقدرات شعب مصر العظيم