الثلاثاء الموافق 12 - نوفمبر - 2019م

موقف بين كمسري ومجند بقطار الصعيد يشعل مواقع التواصل الاجتماعي

موقف بين كمسري ومجند بقطار الصعيد يشعل مواقع التواصل الاجتماعي

 

احمد عناني

عسكري داخل قطار الصعيد المكيف !!
اثناء ركوبي لقطار الصعيد المتجه من (المنيا الي القاهرة) جلست خلف عسكري يتحدث في التلفون مع والدته يخبرها قائلا:(( كان نفسي اكون جنبك والله علي عيني يا امي وهشحن كارت ب10 جنيه واكلمك لما رصيدي يخلص …والله معايا فلوس الحمد لله مستورة.))
(( بعدها ب5دقائق جاء الكمسري يطلب تذكرة ودار بينهم الحوار الآتي:: )
*الكمسري : تذكرة يا دفعة….
*العسكري : مش معايا تذكرة كنت مستعجل ركبت القطار المكيف خايف اتأخر عن الخدمة
*الكمسري : هتدفع غرامة ب 35جنيه تمن نص تذكرة
*العسكري : والله مش معايا غير 50 جنيه بس.. كنت عامل حسابي ادفع في القطار العادي 10 جنيه واشحن ب10 جنيه اطمن علي امي واهلي في البلد
* الكمسري : مين قالك تركب القطار المكيف طالما مش معاك تذكرته!!
العسكري : والله خايف اتأخر عن الخدمة وغصب عني ركبت المكيف
*الكمسري : متكلمش امك وادفع بدل ما تنزل !!!
*العسكري : حسبي الله ونعم الوكيل
(وبعد الحاح الكمسري دفع العسكري مردد والله مش معايا غيرها .)
بعدها بربع ساعة اخرج العسكري من شنطته سندوتش طعميه وعزم علي الجالس بجواره بألحاح شديد مردد والله في تاني والله لتشاركني الاكل انا معايا كتير ) لكن الحقيقة لم يوجد غير سندوتش واحد فقط لم يأكل غيره طول الطريق الذي استغرق ثلاث ساعات
حاولت خلالها ان اعطيه كارت شحن ب25 جنيهااقنعته ان معايا كارت زيادة ولست في حاجة اليه .. لكنه رفض بشدة وقال لالالا شكرا يا استاذ انا مش محتاج ومستورة والحمد لله بس معملتش حسابي ان المكيف هيمنعني من اكلم أمي اطمنها عليا كل فترة !! بعدها بنص ساعة دار حوار اخر بين العسكري وشخص اخر يطلب منه ترك الكرسي ( الكرسي اللي قاعد عليه بتاعي انا حاجزه من محطةالمنيا
*العسكري: طب هقعد فين ؟؟
الشخص الاخر : ماليش دعوه مش مشكلتي
العسكري :حرام عليك انا اول ما انزل هقف في الخدمة 12 ساعة
*الشخص الاخر : اقعد في الحمام او بين عربيات القطار زي اي حد بيدفع غرامة عدم الحجز
*العسكري :حقك عليا انا ركبت من غير ما احجز ودفعت الغرامة علشان خايف اتأخر عن الخدمة !!

 

 التعليقات

 أخبار ذات صلة

[wysija_form id="1"]
Warning: Use of undefined constant sidebar - assumed 'sidebar' (this will throw an Error in a future version of PHP) in /home/elbyan/public_html/wp-content/themes/elbyan-html/sidebar.php on line 170

انت لاتستخدم دايناميك سايدبار

جميع الحقوق محفوظة لجريدة البيان 2015

عدد زوار الموقع: 35573569
تصميم وتطوير