الثلاثاء الموافق 19 - نوفمبر - 2019م

عيد الحب .. بدونِك !!

عيد الحب .. بدونِك !!

 

بقلم – إبراهيم فايد

 

ليه تحرمينى جنتك

وتبعدى من قربتك

تطولى فى غربتك

وتزيدى حدة قسوتك

داانا كلى شوق لمحبتك

ويهمنى أوى فرحتك

أمنك أمانك صحتك

والوئام يبقى سلاحك

ترفرفى بجمال جناحك

تسعدى بدوام نجاحك

ونجاح مساعيكى الطيبة

يابنت أطيب طيبة

خلينى أتهنَّى بشبابك

واهتم بسعادة جنابك

ياللى السنين فعنيكى دابت

ونمور أسود لهوانا هابت

ضُمِّى شرايين قلبنا

الحب يجرى فى دمنا

ويدق قلب قلبنا

نغم هوانا يتصل

دقة فؤداى ودقتك

ألحان فى نوتة رقتك

قلبى بيعشق لمستك

نظرة عنيكى ضحكتك

حبك حنانك بسمتك

————————

اسمحيلى أوصفك

خدك رموشك طلِّتك

ياللى بياض عينك لولى

ولسانك بالشهد حِلِى

بشرة سقاها الورد كاس

انتى الجمال انتى الأساس

طولك تمام ..

قوام .. ياسلام

صوت عندليب بلابل حمام

حاسس حروفى هتظلمك

مهما مدحت مش هنصفك

والله كان نفسى اوصفك

ساكت ليه يالسانى مالك ؟!!

أبوس إيديك كمل كلامك

كمل جميلك قول تمامك

ياالأبجدية فينك فينك ؟؟

جمال حبيبتى بينى وبينك

بلاها (( نحو بلاغة وحروف ))

خلينا نوصف ع المكشوف

خلينى (( بالصرف )) احضنك

وبنبضى (( أشكِّل )) هيئتك

رقة سكونك ((   ْ )) ضمتك ((   ُ))

ياشدة ((   ّ)) حيلى نهار ليالى

يا همزة طايرة (( ~ )) فى العلالى

يافتحة ((   َ)) قفل قلبى وخيالى

يا كسرة ((   ِ )) همى وضغط بالى

حبك تناوين ((   ً ً ٍ ٍ )) ع الجبين

(( شمسيتى قمريتى ))

حبيبتى انتى يانور العين

 التعليقات

 أخبار ذات صلة

[wysija_form id="1"]
Warning: Use of undefined constant sidebar - assumed 'sidebar' (this will throw an Error in a future version of PHP) in /home/elbyan/public_html/wp-content/themes/elbyan-html/sidebar.php on line 170

انت لاتستخدم دايناميك سايدبار

جميع الحقوق محفوظة لجريدة البيان 2015

عدد زوار الموقع: 35759067
تصميم وتطوير