الخميس الموافق 24 - يونيو - 2021م

عبدالله المصرى يكتب ” رثاء الى أمى “

عبدالله المصرى يكتب ” رثاء الى أمى “

هى ماتت ؟؟

                                      أيوه عارف

بس بحلم          

                                   إحتمال يطلع كابوس ..

أصحى منه ألقى أمى

                              جنب منى

وف إيديها أحضن وأبوس .. ؛؛؛؛؛؛؛؛؛؛؛؛؛؛؛؛؛؛؛؛

                                          ما انت شوفت …..

لا ما شفتش شفت إيه؟؟                              

                                                      شفت لفه بيضا خالص

جوه منها حته منى ..

                                                  شفت أحمد ..

شفت طاهر شفت ناس جايه تعزى .. ؛؛؛؛؛؛؛؛؛؛؛؛؛؛؛؛                

                                                                   شفت أختي وف عينيها بركان دموع

شفت أخويا والألم مالى الضلوع ؛؛؛؛؛؛؛؛؛؛؛؛؛؛؛؛

                                             شفت تربه فيها رمله

شفت ضلمه لا دا نور نور عينيها اللى اتحرمنا العمر منه

                                                         ولا نور القلب الأبيض

اللى ما حنلاقى زيه

                                                      ولا نور ملايكه جايه تاخد الروح للحبيب ..

اصلها كانت بتحلم تروح إليه وف حضرته تكون قريب .. ؛؛؛؛؛؛؛؛؛؛؛؛؛؛؛؛؛؛؛؛؛

                                                    أيوه شفت شفت دنيا بعدها من غير حنان

شفت نفسى تايه بحلم بالأمان

                                                     شفت روحى تايهه منى شفت نفسى غربيه عنى ؛؛؛؛؛؛؛؛؛؛؛؛؛

أيوه شفت بس بسأل هى ماتت ولا بحلم ؟؟؟

 التعليقات

 أخبار ذات صلة

[wysija_form id="1"]
إعلان بنك مصر

إعلان بنك مصر

جميع الحقوق محفوظة لجريدة البيان 2015

عدد زوار الموقع: 51384543
تصميم وتطوير