الإثنين الموافق 19 - أغسطس - 2019م

“سابع جار ” يثير الجدل على السوشيال ميديا

“سابع جار ” يثير الجدل على السوشيال ميديا

“سابع جار ” يثير الجدل على السوشيال ميديا

گتبت / تقى محمود

 

دخل عدد من رواد مواقع التواصل الاجتماعي، في حالة من الجدل بشأن حلقات مسلسل “سابع جار ” والذي انقسم المعلقون بين مؤيد لواقعيته وآخر اتهم صناعه بترويج صورة مغلوطة وغير حقيقية عن المجتمع.

وكتب صاحبة حساب يحمل اسم هبة عبد العليم على “فيس بوك” تدوينة مطولة جاء فيها: بخصوص “سابع جار ” أنا واحدة شفت في حياتي تقريبا كل نماذج المسلسل، عندي صاحبتي اللي ناجحة في شغلها زي هالة ومش عايزة تتجوز بس نفسها تبقى أم، وأعرف بنت تايهة ومش لاقية أول خطوة زي هبة، وصاحبت الملتزمة المتدينة زي دعاء، وفي عيلتنا اللي جوزها خيبها وخيب أملها زي هند(..) فاللي بيقول المسلسل مش بيعبر عن قيمنا أحب أسأله أي قيم بيتكلم عنها إذا كان كل ده موجود وبيحصل وأنا ـ كفرد من المجتمع ـ شفته بعيني؟، مش ذنبنا ولا ذنب صناع المسلسل إنكم مُصرين تدفنوا راسكم في الرمل وتعيشوا في وهم الطبقة المتوسطة اللي خلص من 40 سنة.

وجهة نظر أخرى، لكنها فنية، نقلتها الصحفية كارولين كامل في تدوينة عبر حسابها على “فيس بوك” والتي قالت فيها: “في مسلسل سابع جار أول ما تظهر أسرة مسيحية في الحلقة الـ 39.. مفيش أي ابتكار خالص عشان يقولوا أنهم مسيحيين غير بانر للبابا شنودة بالحجم الطبيعي ومعمول بحجم بانرات قاعة المؤتمرات.. وصور لقديسين قاعدة على كراسي الصالون.. والكاميرا كل شوية تجيب الكادر على الكرسي اللي عليه الصور.. صور إيه دي اللي الناس بتقعدها على الكراسي مع الضيوف نفسي أفهم أنا والله.. بتأكد كل يوم أن كل واحد بيورط نفسه في حكاية زي دي بيكون مدخلش بيوت مسيحيين أبدا في حياته وشايف المسيحيين كائنات فضائية”.

 التعليقات

 أخبار ذات صلة

[wysija_form id="1"]
Warning: Use of undefined constant sidebar - assumed 'sidebar' (this will throw an Error in a future version of PHP) in /home/elbyan/public_html/wp-content/themes/elbyan-html/sidebar.php on line 170

انت لاتستخدم دايناميك سايدبار

جميع الحقوق محفوظة لجريدة البيان 2015

عدد زوار الموقع: 33434726
تصميم وتطوير