السبت الموافق 25 - يناير - 2020م

دكتور رضا عبد السلام يكتب.. من يجرؤ يتنازل عن شبر في صفقة القرن؟!

دكتور رضا عبد السلام يكتب.. من يجرؤ يتنازل عن شبر في صفقة القرن؟!

 ناعيا شهداء الأمس ناشر صورة لأحد الشهداء مكتوب عليها ان هذا الجميل، أبو ملامح مصرية جميلة، وضحكة مصرية خالصة،و ده عريس اليوم، وهوه واحد من ٦ عرسان ودعونا النهاردة راحوا للي أحسن مني ومنك!

ودول زيهم زي آلاف العرسان اللي قدموا ارواحهم فداء لأرض الأنبياء، وبعد كده سيادتك لسه بتتكلم عن صفقة القرن والتفريط في شبر من سينا؟!

مين يملك أساسا أو يجرؤ على مجرد التفكير في التفريط في شبر منها؟! ولمصلحة مين؟! ومين يساوي أو يوزن روح راحت في سبيل سيناء؟! ممكن تقول لي مين يستحق؟!

ليتنا ننحي الأشخاص (كل الأشخاص) والانتماءات (كل الانتماءات) جانبا، ولا ننشغل الا بمصر لو كنا يجد مهمومين بمصر…مش مهمومين بأنفسنا!!!

مر على مصر آلاف الأشخاص والحكام والملوك والغزاة والتيارات…دفنوا وأقبروا وزالوا جميعا وبقيت مصر!! مصر يا سادة!!!

اللهم احفظ مصرنا، بكامل ترابها وشرفائها، من كل أعدائها في الداخل قبل الخارج، وأرنا كما عودتنا عجائب قدرتك في كل ناهب أو كاذب أو خائن أو مستغل أو متاجر بها…اللهم آمين آمين.

أتمنى وأنت تقرأ هذا البوست، وأنت جالس آمن هانيء في بيتك وسط ولادك وحبايبك، أن تتخيل معي حال بيوت أسر هؤلاء الشباب دلوقتي، ما بين أم ثكلى، مات كل شيء بداخلها برحيل فلذة كبدها، وأب كسر ظهره وقهره بكاء الرجال، وأطفال أبرياء خسروا حنان ودخلة الأب عليهم، وزوجة ترملت وانكسر كل شئ بداخلها… والله لقد رأيت كل ما قلته هنا بعيني وأنا أعزي العشرات من أسر الشهداء من أبناء الشرقية الغالية.

من القلب إلى كل متاجر بمصر…اتقي الله في مصر…لا مصر ولا شعبها يستحقون ماهم فيه الآن…راجع نفسك وفكر فيما هو أبقى وأسمى…حفظ الله الوطن من كل أعدائه.

 التعليقات

 أخبار ذات صلة

[wysija_form id="1"]
Warning: Use of undefined constant sidebar - assumed 'sidebar' (this will throw an Error in a future version of PHP) in /home/elbyan/public_html/wp-content/themes/elbyan-html/sidebar.php on line 170

انت لاتستخدم دايناميك سايدبار

جميع الحقوق محفوظة لجريدة البيان 2015

عدد زوار الموقع: 37518484
تصميم وتطوير