الثلاثاء الموافق 16 - يوليو - 2019م

جريدة البيان تكشف احداث جديدة فى قضية مريم صاحبة اشهر صفر

جريدة البيان تكشف احداث جديدة فى قضية مريم صاحبة اشهر صفر

كتبت – فاطمه عبدالسلام خليل

لاشك اننا جميعا بعد اعلان نتيجة الثانوية العامة فوجئنا بحدث مثير للجدل حتى الان الا وهو حدث اشهر صفر وبالامثلة و الدلائل قد كشف استاذ بكلية العلوم بجامعة الازهر كواليس جديدة في قضية الطالبة مريم ملاك والتي حصلت الطالبة فيه علي ” صفر ” في امتحانات الثانوية العامة، قائلا اتحدث عن هذه القضية من منطق شغلي وعملي طوال 17 سنة في الجامعة ولهذه الاسباب أؤكد ان ما حدث هو جريمة تزوير يجب ان يقال فيها الدكتور محب الرافعي وزير التربية والتعليم 1- أولا تقرير الطب الشرعي صحيح.. لأن الورق من جوة فاضي ومفيهوش أي كلام ممكن مقارنته مع ما كتب على وجه كراسة الأجابة اللي بنسميها احنا بلغتنا (المراية) يعني زي ما هو في الصورة كمثال.. دي ورقة اجابة طالب في كلية علوم الفرقة الرابعة في امتحان مادة الفيزياء النووية… هنلاحظ هنا ان الطالب هو اللي بيكتب بياناته بخط ايده… وبعد ما بيسلم المراقب على اللجنة ورقته المراقب بيمضيه حضور وانصراف وبعد نهاية الأمتحان بيسلمها للكنترول.. وهنا بيتهي دور المراقب. 2- الكنترول أول حاجة يعملها انه يضع رقم سري على ورقة الطالب ويقص الربع التحتاني اللي فيه رقم الجلوس ويكون الرقم السري للورقة من فوق هو هو نفس الرقم السري على تيكت رقم الجلوس. 3 – بيسلم الكنترول ورق الأجابة للدكتور او المصحح اللي امتحن الطالب مادته… مثلا زي ما انا عامل كمثال دي مادة مشترك فيها انا وزميل لي .. انا باصحح الجزء الخاص بي .. وزميلي بيصحح الجزء الخاص به.. ولو المادة فيها دكتور واحد او مصحح واحد بيصححها لوحده ويحط درجات كل سؤال كما هو مبين على مراية الكراسة من فوق دون معرفة اسم الطالب… ويجمعها ويرجعها للكنترول تاني. 4- هنا بقى اللعب كله… لو حد في الكنترول عايز يخدم الطالب ده هايقوم شايل الدبوسين بتوع ورقة اجابة الطالب ويحط مكانهم ورق فاضي مفيهوش اجابة … يعني لو الطالب رفع قضية كل اللي بيحصل ان بتتكون لجنة لرصد درجات مراية الكراسة من برة مع دراجات الأجاية من جوة.. بس.. ده كل اللي بيحصل… اوعي تتخيل ان حتى لو رفع قضية بيتصحح له تاني. يعني اللي شال ورقة ” مريم ” عضو بالكنترول مش أي حد تاني… لأني طول حياتي في الجامعة عمري ما قابلت طالب سايب كل ورق المواد اللي امتحنها فاضية… ده لو حمار هايرفس في الورقة وهايبان مكان رفسه.. الطب الشرعي طبعا قارن خط مريم بالخط اللي مكتوب على مراية الورقة من برة.. وطبعا طلع خطها.. ولأن مفيش أي كتابة من جوة … فمفيش دليل ولا كتابة ممكن تقارن بخط البنت مع خطها على المراية بتاعة كراسة الأجابة. الموضوع ده تم في كنترول المدرسة اللي البنت امتحن فيها لأن محدش يقدر يعمل كده غير حد في الكنترول… وحد له مصلحة او طالب تاني كان بيغير له ورق مريم ويشيل وش كراسة مريم ويحطها على ورقة فاضية ويحط كراسة مريم اللي مجاوبة فيها على كراسة الطالب اللي عايزه ينجح… صدقوني طول عمري ما قابلت طالب سايب ورقته بيضاء…. ولو حصلت.. ودي نادرا … بتكون في ورقة واحدة من مجموع المواد كلها … ده طلبة السجون اللي بنمتحنها برغم اللي هي فيه مبتسبش ورقتها فاضية.. علشان كده لازم التحقيق في موضوع البنت دي لأن ده تزوير رسمي … واقل ما فيه يتقدم وزير التربية والتعليم لمحاكة ويترمي في السجن.. وقبله كل اعضاء كنترول المدرسة اللي الطالبة مريم كانت فيها… البنت دي اتظلمت ظلم كبير.. مش هايعرفه غير اللي زينا مهنتهم التصحيح والمراقبات وشغل كنترولات. حرام عليكم ضعتوا مستقبل البنت يا فسدة أساتذتي وزملائي الاعزاء هايفهموا كلامي .. أو كل واحد له علاقة بمهنة التعليم هايفهم قصدي..

 التعليقات

 أخبار ذات صلة

[wysija_form id="1"]
Warning: Use of undefined constant sidebar - assumed 'sidebar' (this will throw an Error in a future version of PHP) in /home/elbyan/public_html/wp-content/themes/elbyan-html/sidebar.php on line 170

انت لاتستخدم دايناميك سايدبار

جميع الحقوق محفوظة لجريدة البيان 2015

عدد زوار الموقع: 32565279
تصميم وتطوير