الجمعة الموافق 23 - أغسطس - 2019م

تعرف علي أعراض سعار الكلب وخطورة عضتة

تعرف علي أعراض سعار الكلب وخطورة عضتة

نورا عمرو 

 

لابد ان ننشر الوعي ونسلط الضوء علي اهمال عض الكلاب دون اخذ المصل في خلال أربعة وعشرون ساعة ينتقل السعار إلي العظم والعمود الفقري ولايؤثر فيه اي علاج والنتيجة الحتميه الوفاة بعد شهر ونصف ويشارك في سرعة الوفاة عدم التشخيص الصحيح فقد عاني (م ح م) الله يرحمة فقد كان بيربي كلاب و هو مطعم الكلاب بتاعتة 

و في يوم الكلب بتاعة عضة و هو حكي انة قتل الكلب بتاعة اللي كان مربية بقاله 4 سنين تقريبا لانة هاجمة
و قد استهان بالعضة و مرضيش ياخد المصل و قال انها حاجة بسيطة و خربشة
وكان كويس و مسخنش و متعبش
بعد شهر تقريباً او اكتر ضهرة وجعة جدا راحوا بية لدكاترة كتير اوي ) كل دكتور بيشخص الحاله حسب رؤيتة
و الغلط مش عندهم الغلط الجهل بالشئ
وقد اجري فحوص وعمل اشعة طلع عندة فقرات
و ذراعة وجعة جدا مكانش قادر يحركة
دكاترة قالوا عصب و عملوا اشعة مفيش حاجة
معظم الدكاترة أجمعوا انها حالة نفسية
بدأ ميقدرش يشرب ماية ( فوبيا من الماية)
جسموا بيتنفض لما يشرب نقطة ماية لدرجة اني كنت بشربة بالمعلقة نقطة نقطة و هو مش مستحمل ، فضل 10 ايام مش عارف ينام ولا ياخد نفسة كويس
قبل ما يتوفي ب 3 ايام جاله هلوسة و حاله هياج شديدة ملهاش اي تفسير ، و اخد حقن مهدئات و مفيش فايدة
مفيش دكتور فاهم الحالة لان عمرهم ما مروا عليهم حاله مشابهة و دة غصب عنهم
اكتشفنا ان الاعراض اللي كانت عندة هي سعار
بتختلف من شخص للتاني
في ناس عندها اعتقاد انة لازم يسخن و ده محصلش
اللي يعضة كلب او يخربشة ارجوكوا حتي لو متطعم و انت او انتي مربياه علي ايدك روحوا خدوا مصل السعار في مستشفي حكومي ولازم في خلال 24 ساعة
المصل اسمة (rabies)
لو الكلب عضك نفذ الخطوات دي
1- احبس الكلب و حطله اكله و شربة في مكان لوحدة و راقبة لمدة شهر لو عندة سعار حيموت لوحدة لو مامتش يبقي مش مريض.
2-روح اتطعم في خلال 24 ساعة لأن لو اللعاب لمس العصب بينقل المرض
3- مفيش تحليل سعار في اسكندرية غير في معمل المختبر تقريباً و بيبان نتيجتة بعد 23 يوم لانهم بيسفروة القاهرة يعني ملهوش اي لازمة لان المرض بينتشر في خلال 24 ساعة
4-لو حد جاله سعار و متطعمش خلال الفترة 24 ساعة ملهوش علاج و بيموت ممكن قبل حتي ما يبان علية الاعراض اللي مفيش دكتور حيعرف يشخصها
—اعراض السعار من واقع تجربة شخصية لاخي خلال شهر و نص

1-وجع في الظهر قوي جدا
2-خوف شديد من الماية و عدم القدرة علي الشرب
3-هلوسة شديدة و حالة هياج اعتقد انها ناتجة علي الوجع القوي
4- شلل و عدم القدره علي حركة اليد لان المرض بيدخل في النخاع الشوكي يدمرة
5- عدم القدرة علي النوم و التنفس
6- في حالات بتسخن بس مش شرط
لاحظت ان كذا حد استهون بعضة الكلب ارجوكوا تاني متستهونوش ، عرفوا كل الناس حتي للتوعية لاني اكتشفت ان الدكاترة نفسهم معندهمش وعي بالسعار و اعراضة فمحدش حينفعكوا او حيدلكوا غير حد مجرب بنفسة
اصعب ايام في حياتي عدت هي اخر 3 ايام تعب فيها محمد
ربنا ما يحط حد في حاجة زي دي ابدأ و ميوجعش قلب حد علي اخوة او ابنة و ربنا ممكن يكون جعل اللي حصله دة سبب عشان ناس كتير تخلي بالها

 التعليقات

 أخبار ذات صلة

[wysija_form id="1"]
Warning: Use of undefined constant sidebar - assumed 'sidebar' (this will throw an Error in a future version of PHP) in /home/elbyan/public_html/wp-content/themes/elbyan-html/sidebar.php on line 170

انت لاتستخدم دايناميك سايدبار

جميع الحقوق محفوظة لجريدة البيان 2015

عدد زوار الموقع: 33551928
تصميم وتطوير