الأحد الموافق 18 - أغسطس - 2019م

تخاريف .. قصيدة للشاعرة ” مرفت شوقى “

تخاريف .. قصيدة للشاعرة ” مرفت شوقى “

كتب /وليد صلاح .. 
الشاعره مرفت شوقى تكتب قصيدة تخاريف وهى إحدى قصائد ديوان ماوحشتينى الذى صدر اخيرا لها

تخاريف

قالوا علىَّ جِنِّية
وطبع الغدر مش فيَّ
وقالوا علىَّ عِنديَّة
سليمة القلب والنية
ودا مش عيب ولا تأنيب
ودافعة الحق والديَّة
لمن سَلِّم هواه ليَّ
ومش ذنبى ولا بخاطرى
أنا تِلبسنى جِنيَّة فى أحلامى ..
أشوف الدنيا قدامى
بعين تانية
أشوف بيها ..
حقيقة الدنيا وماضيها
وصاحية لسه مش فاكره
غير حبة صور نكِرة
أمَنْتِجها عشان توضح
واشوف القصة مفهومة
أقوم بسذاجة افسرها
يقولوا عليَّ مسحورة
وانا فى الحق معذورة
ولما ارفض كلام ليهم
يقولوا عليَّ مغرورة
كلام يعزلنى مقهورة
وإيه يعنى
تكون طْباعى مختلفة
لقولة الحق مش خايفة
وإيه يعنى
تكون أفكارى خيالية
وأحلامى تكون صافية ووردية
وليه اكره؟…. مادام الحب له فايدة
وليه احزن؟ ….مادام الفرحة مش دايمة
ودا كله ما يفرقشى
أكون مجهولة منسية
أو المذكورة جِنيَّة

 

1

 التعليقات

 أخبار ذات صلة

[wysija_form id="1"]
Warning: Use of undefined constant sidebar - assumed 'sidebar' (this will throw an Error in a future version of PHP) in /home/elbyan/public_html/wp-content/themes/elbyan-html/sidebar.php on line 170

انت لاتستخدم دايناميك سايدبار

جميع الحقوق محفوظة لجريدة البيان 2015

عدد زوار الموقع: 33406132
تصميم وتطوير