الأحد الموافق 17 - نوفمبر - 2019م

بعد الاساءة للشيخ الشعراوي..أسما شريف منير تعتذر عن تجاوزها”أكن له كل الاحترام”

بعد الاساءة للشيخ الشعراوي..أسما شريف منير تعتذر عن تجاوزها”أكن له كل الاحترام”

صفاء عويضة 

كشفت المذيعة الشابة أسما شريف منير، عن تفاصيل ما أثير خلال الساعات الماضية، بسبب تصريحاتها عبر مواقع التواصل الاجتماعي، والتي اعتبرها البعض تحمل إساءة ضد الشيخ الراحل محمد متولي الشعراوي.

وقالت “أسما” عبر صفحتها الشخصية على موقع التواصل الاجتماعي “فيس بوك”: “حصل بيني وبين شخص حوار أسأت فيه التعبير عن اللي عايزة أقوله وحساه، اتفهم كلامي على إني انتقد فضيلة الشيخ متولي الشعراوي أنا بتكلم من غير ما بحسب كلامي وانا مقصدش بأي حال من الأحوال إني أغلط أو يوصل كلامي بشكل غلط كده، أنا مش بقيّم فضيلة الإمام”.

وتابعت قائلة: “انا عموما عمري ما احب اغلط في حد.. و انا باعتذر جدا جدا عشان لم أستطع أن أحسن التعبير واختيار الكلمات الصحيحة وده يمكن عشان لسه بتعلم وده عن عدم إدراك، انا لسه بتكلم على طبيعتي زي أول يوم قررت اني أظهر على السوشيال ميديا، بس دلوقتي لازم آخد بالي من كل كلمه بقولها عشان كل حاجه بتتحسب عليا وده جديد عليا”.

وأردفت: “كل ما في الموضوع اني كنت بدور عن مرجع ديني ودروس دينية عشان أفهم بشكل مبسط، وعشان أفهمه كنت محتاجه حاجة تناسب استيعابي، والشيخ الشعراوي أعمق من قدراتي لأني في حاجات فعلًا مفهمتهاش، وانا مبتدئة بحاول اتعلم وأقرب اكتر من ربنا، وعموما أنا بعتذر فعلا عن زلة لساني وكلمتى..و حقيقي إني أكن للشيخ الشعراوي كل احترام وتقدير رحمه الله وجزاه كل خير”.

وكانت أسما شريف منير قد نشرت عبر صفحتها على “فيس بوك” في وقت سابق قائلة: “صباح الخير عايزة آخد رأيكم في حاجة، بقالي كتير معنديش ثقة في أغلب الشيوخ، كتير منهم مدعين ويا متشددين أوي يا خالطين الدين بالسياسة، نفسي أسمع حد معتدل محترم معلوماته مش مغلوطة، لسه في حد كده؟”.

ورد أحد متابعيها من الأصدقاء على منشورها موجهًا إليها نصيحة بمشاهدة فيديوهات دروس الشيخ الشعراوي للاستفادة من علمه، وهو ما ردت عليه الإعلامية قائلة “طول عمري كنت بسمعه زمان مع جدي الله يرحمه، وما كنتش فاهمة كل حاجة، لما كبرت شفت كام فيديو مصدقتش نفسي من كتر التطرف، كلام فعلًا ما عرفتش أستوعبه، حقيقي استغربت، هدور لك على الفيديوهات اللي خلتني أبطل أشوفه”.

 

 التعليقات

 أخبار ذات صلة

[wysija_form id="1"]
Warning: Use of undefined constant sidebar - assumed 'sidebar' (this will throw an Error in a future version of PHP) in /home/elbyan/public_html/wp-content/themes/elbyan-html/sidebar.php on line 170

انت لاتستخدم دايناميك سايدبار

جميع الحقوق محفوظة لجريدة البيان 2015

عدد زوار الموقع: 35709461
تصميم وتطوير