الإثنين الموافق 23 - سبتمبر - 2019م

بالفيديو.. طريقة إسترجاع هاتف أندرويد المفقود بخطوة واحدة في 90 ثانية

بالفيديو.. طريقة إسترجاع هاتف أندرويد المفقود بخطوة واحدة في 90 ثانية

كتب – ابراهيم خلف

كلنا معرضين لنسيان الموبايل في أي مكان سواء في البيت أو الشغل، وبرغم وجود تطبيقات كثيرة ممكن تساعدنا في الوصول لمكان التليفون في حالة ضياعه أو حتى سرقته، إلا أن أهم الوسائل اللي ممكن تعتمد عليها في الحالة دي هو جوجل سيرش.

من خلال كنابة Find my phone على جوجل سيرش تقدر تعرف المكان اللي موجود فيه تليفونك وكمان تتحكم فيه.. بكل سهوله. وعلشان تستفيد من كل المميزات دي لازم تتبع الخطوات التالية:

الخطوة الأولى:

تحميل أبلكيشن Android Device Manager، وبعد تثبيته على الموبايل هابتدأ في خطوات الإعدادات، واللي هايتعرف فيها البرنامج على ايميل ال Gmail اللي بتستخدمه على تليفونك.
google-2

الخطوة الثانية:

بعد تسجيل الدخول بحسابك هاتظهرلك خريطه بتحدد مكان الموبايل ونوعه.. في الوقت ده يكون جه الدور على إستخدم جوجل سيرش من خلال الكمبيوتر الشخصي أو اللاب توب، لكن قبل ما تبدأ في الخطوة دي لازم تتأكد من إنك عملت تسجيل دخول على جوجل بنفس الايميل الموجود على التليفون.. ودلوقتي إكنب فى خانة البحث Find my phone.
google-4

الخطوة الثالثة:

بعدها هاتظهرلك خريطة بتحدد مكان التليفون، وفي حالة نسيانك لمكان التليفون في المنزل أو الشغل.. ممكن تعرف مكانه من خلال صوته بالضغط على كلمة ring . وبكده تقدر توصل لمكان تليفون من خلال جوجل سيرش بخطوة واحدة وفي أقل من دقيقة.

 التعليقات

 أخبار ذات صلة

[wysija_form id="1"]
Warning: Use of undefined constant sidebar - assumed 'sidebar' (this will throw an Error in a future version of PHP) in /home/elbyan/public_html/wp-content/themes/elbyan-html/sidebar.php on line 170

انت لاتستخدم دايناميك سايدبار

جميع الحقوق محفوظة لجريدة البيان 2015

عدد زوار الموقع: 34310223
تصميم وتطوير