الثلاثاء الموافق 15 - أكتوبر - 2019م

بالاحضان يا مصر .. الشاعر محمد محجوب ..

بالاحضان يا مصر .. الشاعر محمد محجوب ..

بقلم … الشاعر محمد محجوب
خدينى يا مصر خدينى.
يا مصر يا امى ودفينى.
مشتاق لك والشوق حيرنى.
ضمينى فى حضنك دفينى.
دى الغربة طالت عليا.
وانتى يا مصر فى عينيه.
خلينى يامه فى احضانك.
اسقينى من نبع حنانك.
مشتاق ليكى يا عينيه.
يا مصر يا ام الدنيا.
دى صورتك منقوشة فى قلبى.
وخيالك دايما ويايا.
خدينى ياحبيبتى خدينى.
ياعمرى ياامى ياحنينى.
انا طفت بلاد حلوة كتيره.
مالقتش زيك يا جميله.
يا حضارة دنيا باكملها.
سبحانه من ابدع حسنك.
دا نيلك شريان من جسمى.
وهرمك على طول فى رسمى.
افديكى بعمرى وعينيه.
وبكل غالى فى الدنيا.
يامصر ياامى خدينى.
يابلدى ياغاليه ودفينى.
بالاحضان يامصر خدينى.
ضمينى طفيلى حنينى.
دى الغربة وحشة بعيد عنك.
والفرح انا شفته فى عينيكى.
فى لقانا مع بعض ياحلوه.
ياقمرى فى ليلة ضلمة.
غطينى بحبك غطينى.
يامصر يابلدى ودفينى.

 التعليقات

 أخبار ذات صلة

[wysija_form id="1"]
Warning: Use of undefined constant sidebar - assumed 'sidebar' (this will throw an Error in a future version of PHP) in /home/elbyan/public_html/wp-content/themes/elbyan-html/sidebar.php on line 170

انت لاتستخدم دايناميك سايدبار

جميع الحقوق محفوظة لجريدة البيان 2015

عدد زوار الموقع: 34933324
تصميم وتطوير