الأربعاء الموافق 24 - فبراير - 2021م

( الساقية قصة حياة ) للشاعر محمد خيري

( الساقية قصة حياة ) للشاعر محمد خيري

وامتا كنا غلطانين ؟
لما السنين مرت ومر طعمها ؟!
ولا اما شيلنا همها ؟!
ولا اما قلنا ان الحياه بنحبها ؟!
كانت زمان زي العروسه فعرسها
وانت ففرح بتهني وتبارك لها
فاكر زمان لما بكيت من حبها
وقت الطفوله بتشتهي لعبه وتجري فضلها
وفمدرستها بتشتكي من ضربها
تكبر وعايش جوه قلبك حبها
بتحبها ؟ طب خدت ايه من حبها ؟!
تجور عليك فتسبها وجوه قلبك حبها
وتمشي تلعن امها وانت بتعشق ارضها
طب شوفت طينها وزرعها
ولا ترابها ورملها ولا اتعجنت بصبرها
فاكر فحر الشمس علي ترعه وشجرة توت علي راسك بتفرد ضلها
—-
طب يوم قعدت فرملها وفبحرها عايم وموجه بيعلي عالشاطيء
وحر الشمس ليه طايقه وملح الارض ليه طايق
طابور الصبح بتجيله ودرس العربي انا جاهز
وتاخد سندوتش الفسحه في الشنطه ومش عايز
وتنجح هلت الفرحه تقل درجه في الماده تلاقي عيون اليك جارحه
—–
ولما تشب حبه كمان تقول مبقيتش انا صغير
وتتعلم من الصحبه وبرضو الصحبه بتغير
وأحلامك بتطرحها علي طرابيزه في القهوه
فوسط الصحبه تشرحها وبكره إيه وإيه أهوي
وكله بيحكي علي كله ويتكلم وبيعبر ويحلم قال ويتكبر
كأن الواد خلاص فالح !
تفوت ايام علي ده الحال وتكبر بينها أحلامك
ولسه الدنيا بتخبي ولسه مجاتش أيامك
وعينك لسه عن همك بتتغمي وتتخبي عن المكتوب
وبكره اللي انت مستعجل عليه لما يطل عليك بهمه .. همه هيخليك تتوب
—–
ولما كبرت حبه كمان جريت عالشغل وتدور
ومستعجل فإيه يابني بلاش ياحبيبي تتهور
تروح شركه ولا البركه وتتسلم وظيفه يقولو ده اتوظف
وعم سخافه يستظرف فين الساقع
وقلبك جوه مش طايق كلام من حد يستظرف
وظيفة ايه ده انا فواعلي مفكرني المدير يعني
تسيب شغلانه وتعدي علي غيرها
تقابل ناس وتتعلم ويتعلم عليك برضو مهو انت عامل فيها معلم
فتتعلم بقا تسكت ما تتكلم
—–
تلف اوام عليك ايام
فتنوي تخش بقا دنيا
وتسرح في الخيال احلام
متلقاش منها ولا ثانيه
تعيش الفرح في الاوهام
فتصبح تلقا حاجه تانيه
من الخارج تبان الوان
ولما تخشها فانيه
ومهما بتكتر اللمه
هترجع تاني للوحده
ومهما قصصنا تتشكل
طريقة سردها واحده
في احلامنا وبتعاند
كأنها واقفه عالواحده
ومش حبه انها تساند
وبتزقك علي الوحده
وحيد في الدنيا من يومك
تخبط في الحياه وحدك
وايه يعني تعيش وحدك
ده سعدك ي الحياه وحدك
. واهو برضو بتتعلم
عشان لما تموت وحدك
وتدفن في التراب وحدك
ويوم الدين هتتحاسب كمان وحدك

 التعليقات

  1. يقول غير معروف:

    جميلة بالتوفيق

 أخبار ذات صلة

[wysija_form id="1"]
Warning: Use of undefined constant sidebar - assumed 'sidebar' (this will throw an Error in a future version of PHP) in /home/elbyan/public_html/wp-content/themes/elbyan-html/sidebar.php on line 170

انت لاتستخدم دايناميك سايدبار

جميع الحقوق محفوظة لجريدة البيان 2015

عدد زوار الموقع: 48229019
تصميم وتطوير