السبت الموافق 07 - ديسمبر - 2019م

“الرائد خالد أبو بكر” يكتب: إحذروا.. عصابات “دوت كوم” تبتز ضحاياها بعرض مقاطع إباحية..

“الرائد خالد أبو بكر” يكتب: إحذروا.. عصابات “دوت كوم” تبتز ضحاياها بعرض مقاطع إباحية..

متابعة_ خالد جزر

كثرت عصابات الإنترنيت فاحذروها.. يوهمون ضحاياهم انهم دكاتره تجميل، و تكبير مناطق حساسة بالجسم للقضاء علي النحافه، وتقديم وصفات للتخلص من السمنه، وكذلك علاج تأخر الانجاب، ايضا يقدمون علاج امراض نساء وولاده و تخصصات تانيه كتير..

 

و بيسوقوا لنفسهم بأنهم في اكبر مستشفيات لندن و نيويورك و لبنان , طبعا بيدعمهم في ذلك كمية الاعلانات الشيك و الفوتوشوب المحترف الذي يعرض علي مدار اليوم،  غير ان اللي بيكلم الضحايا سيدات و بنات شكلهم حلو و يتحدثون ب لغات عده بمستوي عالي ،

 

و للاسف اغلب الضحايا بتصدق , بيطمعوا الضحيه انهم هيرسلوا لهم كريمات و شامبوهات مجانيه، و تخفيضات خياليه بمعني الكلمه تخلي الضحيه تطمع بس طبعا لازم يكشفوا عليهم علشان يحددوا نوع العلاج، و الكشف ده بيكون اون لاين بكاميرا الكمبيوتر و للاسف مئات الضحايا يقعون فريسة, لأن هذه العصابات بياخدوا تصوير الفيديوهات دي و بيركبوها علي افلام جنسيه أباحية ويتم إعدادها ” بطريقه غايه في الاحتراف و الدقه عن طريق برامج متطوره ”

 

و بعدها تحدث المساوامه علي مبالغ خياليه تتحول لهم بالدولار و إلا هيتم نشر الفيديوهات دي علي اليوتيوب ويتم بثها للاقارب و الاصدقاء , وتكون الصدمه الاولي للضحيه عندما يعرض لها جزء من الفيديو اللي تم تركيبه تصعق من شده جودة و احتراف التزوير اللي لو اي حد شاهده فعلا مش هيفرق بين المزور و الحقيقي و للاسف اغلب الناس بتضطر ترسل لهم المبالغ دي منعا للفضايح خصوصا في مجتمعنا اللي للاسف مش بيرحم اي ضحيه تقع في هذا الفخ,

 

رسالتي.. بجد الموضوع خطير و يبدعون في تسويق افكار تانيه و جديده غير دي , يا ريت ما حدش يفتح الكاميرا لاي مخلوق في الدنيا مهما كان السبب و اوعي تنسي دايما تضع بلاستر علي الكاميرا سواء الاب توب مفتوح او مغلق و دايما تفصل سلك الانترنت طول ما انت مش بتستخدم الجهاز
“شير علشان ما حدش يقع في الفخ الخبيث ده”

 التعليقات

 أخبار ذات صلة

[wysija_form id="1"]
Warning: Use of undefined constant sidebar - assumed 'sidebar' (this will throw an Error in a future version of PHP) in /home/elbyan/public_html/wp-content/themes/elbyan-html/sidebar.php on line 170

انت لاتستخدم دايناميك سايدبار

جميع الحقوق محفوظة لجريدة البيان 2015

عدد زوار الموقع: 36211133
تصميم وتطوير