الإثنين الموافق 18 - نوفمبر - 2019م

“البيان”تحاور الشاعر”أحمد حسن راؤول”

“البيان”تحاور الشاعر”أحمد حسن راؤول”

نورا عمرو

نبذه عن الشاعر”أحمد حسن راؤول”نشأ بالسعودية ودرس “القراَن الكريم” كاملاً حتى أنه يعتبر هذه الفترة هي أهم فترة في حياته الأدبية التعليمية حيث تعلم الأدب واللغة من اعظم كتاب ادبي وهو القراَن، بدأ الشعر منذ الصغر.

_كيف كانت بدايتك؟

>>>بدايتي كانت في جامعة عين شمس ومسابقات الشعر وقدرت ابقا افضل شاعر في الجامعة 5 سنين عالتوالي بفضل ربنا. ثم تكوين فريق لايف تيم اللي كانوا بيغنوا اغاني من كلماتي بأفكار مختلفة خلتنا نظهر للناس بشكل مختلف.

_كيف نجحت فى الوصول لقلوب الكثير؟

>>>انا مبعملش غير اني على طبيعتي مهما عليت او وصلت وبحاول اكتب الأغاني اللي تناقش هموم الناس.

_أحمد حسن راؤول أفضل شاعر عربى من احدى المراكز فى تونس متى سيكون أفضل شاعر فى الوطن العربى؟

>>>لما الجوايز يبقا فيها عدل 
_الإذاعه أم الشعر أقرب إليك؟

>>>انا اصلا شاعر .. بس منكرش اني اكتشفت نفسي في الإذاعة واني بعشقها.
_ما هى أكثر اغنيه من كلماتك حققت نجاح كبير ؟

>>>جميع الأدعية اللي عملتها السنادي ماشاء الله كانت ف كل مكان زي المظاهر لهايدي موسى .. وعلاقتي بربنا لكنزة مرسلي من الجزائر .. ودعوة حب لسهيلة بن لشهب من الجزائر .. واعمل خير لرنا سماحة ومحمد عباس .. واغاني احتفالات مصر بقناة السويس .. واوبريت مصر اللي بجد ..بس العمل اللي فرق فعلا هو اغاني مسرحية محمد رمضان.

_تحدث عن بداية تعاونك مع الملحن عمرو مصطفى؟

>>>جت بالصدفة البحتة لما كان نفسه يعمل اغنية عن مصر بشكل جديد وكلم صديقي الموزع كينج اللي وصلني بيه وعجبه جدا اوبريت مصر اللي بجد اللي انا كاتبه وبدأنا بقا.
_بما انك متعاون جدا مع المواهب هل شايف وجود موهبه متميزه لم تأخذ حقها من الشهره؟

>>>مواهب كتير مخدتش شهرتها المطلوبة زي مثلا “محمد شاهين” نجم ستار اكاديمي والحاصل عاللقب .. كان ممكن يبقا اشهر مطرب ف الوطن العربي بالنسبة لإمكانيات صوته لكن هو وقع في دوامة الانتاج الظالم .

_بما تنصح الشباب التى لديهم موهبة الشعر ؟

>>>انصح الشباب الشعراء بإنهم يبتدوا ينتشروا ويعملوا شغل كتير حتى لو ببلاش .. بس لازم يظهروا وشغلهم يتسمع.

_هل تفكر فى تقديم برنامج تلفزيونى؟

>>>ان شاء الله معروض عليا كذا قناة لبرنامج تلفزيوني ولسة اهو بندرس الموضوع.
_هل لديك مواهب اخرى غير الشعر والإذاعه؟

>>>انا شاعر ومذيع وصحفي وبلعب كورة وبغني راب وقت الفراغ وبكتب قصص .
_هل شايف ان اوبريت مصر اللى بجد مأخدش حقه الحقيقى؟

>>>طبعا .. اوبريت مصر اللي بجد لو اتعمللو دعايا صح واتذاع كويس كان بقا نقلة في الاوبريتات .. لكن المشكلة في طريقة عرضه .

_ما هى أعمالك القادمه  وهل هيكون فيه تعاون فى ألبوم رنا سماحه ؟

>>>ان شاء الله عندي اغنيتين في البوم رنا سماحة .. و3 اغاني في البوم نسمة محجوب .. واغنية في البوم عمرو مصطفى .. واغنيتين مع بلاك تيما

_أفضل نوع غنائى تفضل الكتابه به؟

>>>بحب اكتب النوع الإجتماعي اللي بيناقش حاجة الناس عايشاها.
_ تعاونك مع الفنان محمد رمضان فى مسرحية أهلا رمضان هل حقق نجاح ومن وجهة نظرك “محمد رمضان”بيقدم فن إيجابى أم سلبى لمجتمعنا؟

>>>مسرحية محمد رمضان حققت نجاح كبير جدا ماشاء الله بالارقام والنقاد والجمهور.محمد رمضان حاليا في المسرحية بيقدم فن هادف جدا وقصة واقعية وحاجة للأسرة.
_ما الذى تطلبه مصر من شعبها فى الوقت الحالى؟

>>>الوقت الحالي مصر بتطلب من الشعب يتحلى بالأخلاق ده اهم حاجة 
_رسالة شكر لمن تقدمها؟

>>>رسالة شكر لأبويا وأمي اللي تعبوا معايا .. لأصدقائي اللي استحملوني .. للأستاذ حمادة اسماعيل اللي بسببه بقيت مذيع .. للأستاذ عمرو مصطفى اللي عمل نقلة في حياتي .

 التعليقات

 أخبار ذات صلة

[wysija_form id="1"]
Warning: Use of undefined constant sidebar - assumed 'sidebar' (this will throw an Error in a future version of PHP) in /home/elbyan/public_html/wp-content/themes/elbyan-html/sidebar.php on line 170

انت لاتستخدم دايناميك سايدبار

جميع الحقوق محفوظة لجريدة البيان 2015

عدد زوار الموقع: 35725812
تصميم وتطوير