الإثنين الموافق 28 - مايو - 2018م

فكرة رائعة من مصري في إيطاليا لتنشيط السياحه فهل من مجيب؟

فكرة رائعة من مصري في إيطاليا لتنشيط السياحه فهل من مجيب؟

فكرة رائعة من مصري في إيطاليا لتنشيط السياحه فهل من مجيب؟

 

 

فكرة وليد محمد ابراهيم فيشاوي

 

كل مصري مهموم بوطنه سواء في الداخل او الخارج وكل يوم يمر يحتار العقل وتزداد التساؤلات كيف اساعدك مصر كيف اساعدفي حل مشكله لبلادي لكن هل المسئولون مشغولون فعلا بتلك الافكار التي يمكنها ان تحل مشكلات عضال فهذا شاب عايش فى ايطاليا كان كاتب فكره من كام يوم كده لتنشيط السياحه فى مصر

الفكره بتقول :

ان وزاره السياحه تعمل قائمه باسماء الناس اللى عندهم (( قناه عاليوتيوب )) و الناس اللى عندهم (( فولورز )) عالفيسبوك اكتر من مليون شخص ٠٠٠

الناس الاجانب مش المصريين طبعا

والوزاره تختار ١٠٠ واحد من الناس دى كل شهر

وتقدملهم عرض

تقولهم اختاروا اليوم المناسب ليكم فى شهر يونيو مثلا

واعملوا حسابكم انتوا هتنورونا فى مصر لمده اسبوع  مجاناااااا

حضرتك مش هتدفع ربع جنيه من ساعه متنزل من الطياره لحد لما توصل بلدك تانى ٠٠٠

مش هنخليك تحط ايدك فى جيبك اصلا ٠٠٠

ووزاره الطيران المدنى المفروض انها عملت على الورق بتاع ٥ الاف بروتوكول  مع وزاره السياحه ٠٠٠

يعنى المفروض تبقى وزاره الطيران مسئوله كل شهر انها تطلع ١٠٠ تذكره ببلاش ذهاب وعوده للناس اللى هتيجى مصر ٠٠٠

ولو وزاره الطيران المدنى عندها لاسمح الله مانع شرعى يبقى وزاره السياحه تشيل هى برضه تمن التذاكر كلها ٠٠٠

ونجيب كل شهر ال١٠٠ واحد دول اللى كل واحد فيهم عنده اكتر من مليون متابع عالفيسبوك واليوتيوب ٠٠٠

ونقسمهم ٥٠ واحد فالاقصر واسوان لمده ٣ ايام و ال ٥٠ التانيين فى شرم الشيخ ٠٠٠

ويخلصوا دى يطلعوا على دى ٠٠٠ والعكس ٠٠٠

بحيث ان الشخص ييجى يقعد فى مصر لمده ٧ ايام نصهم فى شرم الشيخ ونصهم فى الاقصر واسوان ٠٠٠

تخيلوا بقه من ساعه لما الشخص ده يركب الطياره لحد لما يروح بيتهم هيقعد ينزل فيديوهات عن مصر وصور عن مصر ٠٠٠
المهم تكون الصور ماتنقلش مشاكل وصور مش مفروض تتنقل للخارج…

طبعا الوزاره هتعين مرشدين للسياح دول ٠٠٠

وطبعا برضه هتقولهم ان ده معمول كنوع من الدعايه ٠٠٠

يعنى اتوصوا شويه بينا فالفيديوهات وفى الكلام عن مصر وجو مصر ٠٠٠

وسيلفى بقه فى معبد حتشبسوت وسيلفى فى شرم ٠٠٠

لمده ٧ ايام متواصله ٠٠٠

١٠٠ مليون متابع على الاقل هنوصلهم بصور وفيديوهات عن مصر ٠٠٠

ده طبعا لو مفيش حتى ولا واحد عمل شير للفيديوهات ٠٠٠

ال ١٠٠ مليون واحد دول هيشوفوا اجمل مناظر موجوده فى مصر ٠٠٠

بذمتكم فى دعايه اكتر من كده لمصر ٠٠٠

ده الناس ممكن تكره مصر اصلا  من كتر الفيديوهات اللى هيشفوها فى خلال ٧ ايام المتواصله ٠٠٠

هنزلهم فى احسن فنادق كلها سبع نجوم ٠٠٠

هنوديهم اجمل اماكن ٠٠٠

وهنعرفهم برضه الاسعار الحقيقيه بالدولار عشان يكتبوها مع كل بوست ٠٠٠

الليله دى بقه كلها هتكلف الوزاره كام ؟؟؟

لو افترضنا ان الواحد هيتصرف عليه ٢٠ الف جنيه بخلاف التذاكر ٠٠٠

وده طبعا رقم مبالغ فيه

لانى مش هصرف عليه ٣ الاف فاليوم ٠٠٠

يعنى ال ١٠٠ سايح هيكلفوا الوزاره (( ٢ مليون جنيه )) فالشهر٠٠٠

وهوصل بيهم فالدعايه ل اكتر من ١٠٠ مليون سايح اجنبى فى مختلف دول العالم ٠٠٠

ومش لمده عشر ثوانى او دقيقه زى الاعلانات ٠٠٠

لاء ده لمده اسبوع كامل شايفين قدامهم صوره عن مصر و فيديوهات عن مصر ٠٠٠

لما نعرف بقه ان وزاره السياحه بتدفع كل شهر ٥ اضعاف الرقم ده فى اعلانات فى جرايد اجنبيه

اقصى مده لقرايتها ٣٠ ثانيه ٠٠٠

ومضمونها (( تعالوا زوروا مصر ياجدعان دى مصر دى زى الفل والنعمه ))

وباقى المبلغ بيدفع فى مؤتمرات دوليه بيسافرلها وزير السياحه يقف يقول خمس دقايق كلمتين قدام مندوبين لشركات السياحه العالميه ويمشى )) ٠٠٠

انا بقه مش عاوز اشتغل بنفس الاسلوب العقيم ده واقعد اقنع فى شركات السياحه ٠٠٠

لان شركات السياحه اصلا مش هتجبر حد انه يطلع مصر بالعافيه ٠٠٠

هعمل ايه انا لما شركه السياحه تبقى فرحانه ومبسوطه بمصر بس السياح عاوزين يطلعوا تركيا ٠٠٠

هتوديهم غصب عنهم يعنى مثلا ٠٠٠

انا عاوز اقنع الناس ذات نفسها بجمال مصر٠٠٠

وهما هيجروا على شركات السياحه فى بلادهم ويحجزوا٠٠٠

والموضوع ده مش هعمله شهر واحد بس ٠٠٠

لاء ده انا هعمله كل شهر طول السنه ٠٠٠

يعنى هجيب فالسنه ١٢٠٠ واحد ٠٠٠

عشان اوصل لحد ادنى (( مليار و ٢٠٠ مليون )) واحد فالدعايه ٠٠٠

يعنى فيديوهات مصر وصلت ل(( سدس )) سكان الارض ٠٠٠

الالف و ٢٠٠ مليون دول مياخدش منهم (( ٣ مليون )) بس قرار السفر لمصر ٠٠٠

بنسبه (( ٢ من الالف ٪ )) بس

وال٣ مليون دول لما ييجوا (( باسرهم ٣ او ٤ افراد معاهم ))

ميعملوش ١٠ مليون سائح ؟؟؟

طب تعالوا نشوف عدد السياح المصريين من سنه ٢٠١٠ لحد ٢٠١٥ والسياح دول دخلوا كام فلوس للبلد :

سنه (( ٢٠١٠ )) عدد السياح (( ١٤،٧ مليون سائح )) ٠٠٠ (( اكبر رقم فى تاريخ مصر )) ٠٠٠

سنه (( ٢٠١١ )) عدد السياح (( ٩،٨ مليون سائح )) ٠٠٠

سنه (( ٢٠١٢ )) عدد السياح (( ١١،٥ مليون سائح )) ٠٠٠

سنه (( ٢٠١٣ )) عدد السياح (( ٩،٥ مليون سائح )) ٠٠٠ دخلوا لمصر ايرادات بقيمه (( ٥،٩ مليار دولار )) ٠٠٠

سنه (( ٢٠١٤ )) عدد السياح (( ٩،٩ مليون سائح )) ٠٠٠ دخلوا لمصر ايرادات بقيمه (( ٧،٥ مليار دولار )) ٠٠٠ (( اعلى ايرادات فى تاريخ مصر )) ٠٠٠

سنه (( ٢٠١٥ )) عدد السياح (( ٩،٣ مليون سائح )) ٠٠٠ دخلوا لمصر ايرادات بقيمه (( ٦،١ مليار دولار )) ٠٠٠

لو النظام الجديد ده اتطبق صح

عدد السياح ممكن يوصل ل (( ٢٠ مليون )) سائح سنويا ٠٠٠ والايرادات (( ١٢ مليار دولار )) ٠٠٠

يعنى الفكره دى لوحدها ممكن تدخل لمصر (( ٦ مليار دولار )) وهتحل ازمه الدولار فى مصر ٠٠٠

صاحب الفكره اسمه (( وليد محمد ابراهيم قيشاوى )) مصرى تونسى مقيم فى ايطاليا ووزاره السياحه التونسيه اخدت منه الفكره ونزلتها (( من ٣ اسابيع )) عالموقع الرسمى للوزاره على هيئه (( فيديو دعائى )) جامد جدا ٠٠

 تعليقات الفيس بوك

 أخبار ذات صلة

[wysija_form id="1"]

انت لاتستخدم دايناميك سايدبار

جميع الحقوق محفوظة لجريدة البيان 2015

عدد زوار الموقع: 21896766
تصميم وتطوير
WP Facebook Auto Publish Powered By : XYZScripts.com