السبت الموافق 23 - سبتمبر - 2017م

رضا إبراهيم يكتب قصيده بعنوان “لا مانيش مبسوط”

رضا إبراهيم يكتب قصيده بعنوان “لا مانيش مبسوط”

رضا إبراهيم يكتب قصيده بعنوان “لا مانيش مبسوط”

لا
مانيش مبسوط
ولدي ع الجبل مدبوح
وبيتي اتحرق
وغيطي اتسرق
ومكان عبادتي فجروه
وتقولي موضوع صغير بلاش تكبروه
لا مانيش مبسوط
علشان واحد هلفوت
فكره مفخخ عقله مزنخ
يكفرني ويهدر دمي
يدخل في بيتي ويقتل أمي
ويخطف ابني ويهددني
ويقول اني واحد زمي
انا مش في زمه حد
وأقدر أزيد النار وارد

 

 

انا حر وابن ملوك
واسأل اللي سبقوك
ولا زيفوا التاريخ ؟
وضحكوا عليك
طب بص يا واد حواليك
شغل عقلك مره وعنيك
زي ثور مربوط في الساقيه
غموا عنيك وضحكوا عليك
في الحقيقه
قبل ما تفجر نفسك وتقتلني
قبل ما تقتلني هما قتلوك

 

 

 

 

لا مانيش مبسوط

ولا فرحان ومسامح انا مكبوت
زي لغم في الارض مضغوط
مانيش مبسوط
علشان تذبحني
ذي فرخه ولا كتكوت
حاسب دا انا ابن اسود
أسد وابن اسود
ولا علشان انا ساكت
وكاتم الصوت
مانيش هلفوت
بسامح علشان بس الغمه تفوت
اصلي انا وطني وبالوطن مربوط
وفِي ديني وبيتي
علموني احفظ واوفي بكل عهود
يمكن تذبحني اسكت
تفجرني اسكت
لكن الدين والوطن مفيهوش سكوت
اسمع مانيش مبسوط
اوعاك تكون فاكرني خايف
اوعاك تكون فاكرني زايف
دا دمي رواها من زمان
وبعيد عن صدري ملهاش حنان
دي ارضي وعرضي و فرضي
وانا راجل اعرف أصون العروض

مانيش مبسوط

لكن هاحميها وهاعليها
وبزياده اغليها
ولو انت ولعت النار فيها
هاطفيها واداويها
وهاسكت
بس جوايا نار
مانيش مبسوط
تضحك في وشي دلوقتي
تحضني وتبوسني علي خدي
وتبيعني وتبيع عرضي
وكمان تتمني لي الموت
مانيش مبسوط
منك ولا منهم
ولا من اللي بيأيدهم
ولا حتي اللي فاتر ولا مني ولا منهم
مانيش مبسوط
لو جدع زيي علي الصوت
وقول الحق
في وشي تبوس
وفِي ضهري تدوس
ماتقولها لو تعرف
انا من أصل طينها
من ترابها نبتت جزوري
إنما انت غريب مغروس

مانيش مبسوط
دا انت لو فاكرني ضعيف
تبقي أكيد هلفوت
ومن امتي الضعفاء بيتحملوا
من امتي بيقولو شكرا لما بيتقتلوا
ويصلوا لك وبيدعولك بعلو الصوت
لا ما نيش مبسوط
خلي بالك
لو طفح الكيل ها تتعب
دا تهديد مش كلام
الهي رد فعله يرهب
ولو مش عارف ممكن تجرب
ياما قبلك اتجبروا
وياما قبلك استهتروا
فينهم قولي دلوقتي ؟
في الجنه ياتري ؟
ماتوا زي الكلاب
ولا طالع ليهم صوت
وانا لسه هادي
عايش بموت في تراب بلادي
وعلشانها ساكت ومليان سكوت
لكن مانيش مبسوط
كل الكلام مغلوط
حتي العلام مغلوط
وتعاليم الدين كلها موت
اقتل واحرق وادبح
تكسب خربش تربح
حوريات جميلات موت
اوعي ترد علي
هس سكوت

انا مانيش مبسوط
باين علي رأسك مخبوط
ولا بحبال مربوط
خايف لربك يزعل
خايف لدينك يدبل ؟
وياتري ربك فرح
ياتري دينك انشرح
ياتري انت مبسوط
بس انا مش مبسوط
حاجه تكسف يا جدع
أفضل شباب اتخدع
بحزام وكلام وفكره
كره أنهارده وبكره
ومش عاوز يفكر
ولا حتي يعلي الصوت
وخايف جدا من ربه
خايف خايف موووت
ويحرق ويدبح بالفطرة
وكأن الانسان كتكوت
فوق يا هلفوت
ان كنت فاكر فيه جنه
فأنا لي الملكوت
صحيح انا مش مبسوط
بس انا ملك وابن ملوك
أسد وأجدادي كانوا اسود
ومهما تحاول تهد بلادي
وطني علي كتفي مسنود

 تعليقات الفيس بوك

 أخبار ذات صلة

[wysija_form id="1"]

انت لاتستخدم دايناميك سايدبار

جميع الحقوق محفوظة لجريدة البيان 2015

عدد زوار الموقع: 16911954
تصميم وتطوير