الخميس الموافق 21 - سبتمبر - 2017م

تعرف على مصدر تمويل “الجيش الالكترونى”

تعرف على مصدر تمويل “الجيش الالكترونى”

كتب الرائد خالد ابوبكر توضيحا عن مصادر تمويل الجيش المصري الالكتروني حيث كتب يقول :

 

“تسائل بعض الاصدقاء عن مصدر تمويل صفحه الجيش المصري الالكتروني خصوصا بعد اقرار جوائز في مسابقه بنفكر اننا نعملها و فيه ناس شكت اننا ممولين من جهات حكوميه و ناس تانيه قالت ان فيه رجال اعمال هي اللي بتمولنا ده غير طبعا بأه الناس اللي مورهاش غير تاليف اشاعات علينا من ساعه ما ظهرنا بسبب و بدون سبب و قالوا اننا بنتربح علي النت و بنكسب فلوس من الناس , بس انا حعذر الناس خصوصا ان بلدنا شافت كتير ممولين و جالنا وقت ما بقيناش عارفين مين معانا و مين علينا , تقدر تقول كده اللي اتلسع من الشوربه ينفخ في الزبادي علشان كده و بمنتهي الشفافيه حرد و حقول للناس مصدر تمويل و ” قوه ” الفريق و خلاه بدون مبالغه يوصل للعالميه و يتكتب عنه في تقارير الجامعات العالميه و المخابرات السيبرانيه في جميع دول العالم بما فيهم اسرائيل اللي تعتبر اقوي دوله في العالم في مجال الامن الالكتروني ” متفوقا ” علي جميع الجهات الحكوميه الرسميه اللي بتاخد تمويل رسمي و مرتبات و بتعتمد علي برامج و شركات اجنبيه بيتدفع فيها ملايين بالعمله الصعبه و حقق مصداقيه عند المصريين اكتر من مواقع الكترونيه اخباريه مصريه بتتمول من رجال اعمال كبار و من دول عربيه مثل الامارات و السعوديه و دول اخري… بعض مصادر العالميه : اسرائيل : http://bit.ly/2iDRqFn جامعه جورج واشنطن : http://bit.ly/2iDSOId

* سبب نجاح الفريق بمنتهي البساطه انه اعتمد علي المصريين في اي حاجه عملها بلا استثناء , يعني احنا مجرد جاتلنا الفكره و نفذناها بكام عمليه نفذناها لفتت الانظار و عملت ضجه و المصريين باه هم اللي كملوها , و ده كان اكبر اثبات ان المصريين لو اتحدوا في حاجه و عملوها بحب محدش في الدنيا كلها حيعرف يقف ادامهم , ما تستغربش من فريقنا لما تلاقي ارهابي عتيد فشلت اجهزه الدوله في تحديد مكانه و اللي وقعه و جاب اجله بنوته مصريه عندها 18 سنه اشتغلته و عرفت تجيب رقمه , و اوعي تضحك لما تلاقي واحد من حركه حسم ولا من اجناد مصر او حتي من بيت المقدس ست زي السكر عندها 67 سنه حددت مكانه لما بعتتله لينك او خبر متلغم اديناهولها و عرفت تخليه يدوس عليه زي المفطف فصحي من النوم لقي نفسه مشرف في سجن حربي بيتعمل معاه الواجب , يعني من الاخر كده صفحتنا المتواضعه عليها مليون متابع كلهم شغالين في فريق الجيش المصري الالكتروني اللي يساعد بمعلومه و اللي بيفهم في الاختراق و قدر انه يخترق موقع او صفحه و يحدد القائمين عليها و يبلغنا بيه ده غير طبعا شغل الفريق الاساسي بتاعنا .

* جميع الفيديوهات و الاجهزه و البرامج هي بالجهود الذاتيه لدرجه اني اقدر اقوللك اننا بفضل الله بنساعد كمان ناس في جهات معينه من جيوبنا الشخصيه و بنجبلهم برامج و ادوات و حاجات متطوره تساعدهم في شغلهم مش لحاجه الا حبا في بلدنا ليس الا .

* طب برضه منين يا حاج خالد تمن الاعلانات المموله و تمن الجوايز اللي انتوا عاوزين تعملوها و منين دفعتوا ثمن ادويه و عالجتوا 34 حاله مصابه بفايروس سي قبل ما الدوله تعملها مجاني و منين جبتوا ادويه ناقصه في السوق المصري لحالات كتيره ثمنها كان كبير غير تمن شحنها و بعتوها ده غير كمان حاجات كتير ما قلناش عليها علشان ما نضيعش ثوابها عند ربنا من مساعدات و تسديد ديون غارمات و غارمين و و و .. الأجابه ربنا الحمد لله مسهلهالي و كارمني و رازقني بفضله و انا راجل عندي شركه بره مصر بتكسب كويس و بحاول اساعد الناس ده غير بأه ان ساعدنا في ده اطباء كبارو جمعيات خيريه و ناس محترمه معاها فلوس بيشتغلوا بره مصر بيحبوا يساعدوا اهل بلدهم لدرجه اننا لو عاوزين نبعت حاجه مثلا طيارين و مضيفات مصريين بيساعدونا و بيوصلولنا الحاجات دي لغايه البيوت لان مصر بخير و المصريين بخير مش زي ما الميديا بتحاول انها تبينهم و ما بتظهرش الا الجوانب السلبيه في المصريين بس لدرجه اننا كل يوم نذهل و نندهش ازاي المصريين بيحبوا بلدهم للدرجه دي ..

* طبعا و بكل اسف برضه فيه حاجه اسمها اعداء النجاح و ده شفناه و لمسناه كتير من بدايه ما ظهرنا لقينا ناس و صفحات بتطلع علينا اشاعات و بتحاول تفشلنا بأي شكل منهم ناس مريضه بالغيره و منهم ناس في جهات امنيه يمكن من باب منع اي كيان شعبي موازي قوي خصوصا بعد تفوقنا الكبير عليهم و رفضنا التعاون مع اي منهم و رفضنا لاسلوبهم و طلباتهم اختراق صحفيين معينين و شخصيات عامه محترمه و اعضاء مجلس نواب و نظرا لما رايناه من سلوكهم و كرههم للاسف للمؤسسه العسكريه و حتي لرئاسه الجمهوريه و انتمائهم لبعض المنتفعين من رجال اللواء حبيب العادلي ووصل الكره بيهم انهم حاولوا يلفقولنا قضايا و عمل مداخلات لتشويهنا و كمان نشر اخبار كاذبه لتشويهنا علي مواقع اخباريه و كان ممكن نرد بنشر تسجيلات هاتفيه حصلنا عليها تبين كذبهم و لكن لم نفعل ذلك حفظا لكرامه اجهزه مصريه و كطلب من شخصيات نحترمها و نجلها كثيرا ايضا قاموا بارسال بياناتنا و عناوينا لقيادات في الاخوان و لاعضاء في حركه 6 ابريل رفعوا بيها قضايا علينا ووصل الامر ان ملف رمز العداله راح تركيا لناس من حركه حسم و لواء الثوره و لبنت خيرت الشاطر بس بفضل الله تعالي الشرفاء في بلدنا حاسبوا ناس كتير منهم و اخدولنا حقنا و زياده كمان 🙂

* اما بأه خزعبلات التربح عالنت فاحنا عمرنا ما اخدنا ” شلن ” من اي مواطن لاي سبب من الاسباب ولا بالخير ولا بالشر و لو كنا بأه عاوزين نتربح ففعلا بلا مبالغه احنا كان زمانا عملنا ملايين بمعني الكلمه مش الاف او حتي كنا قبلنا العروض الكتير اللي جاتلنا و لك ان تعلم سيدي الفاضل اننا اتعرض علينا مبالغ طائله من شخصيات اعلاميه و سياسيه و من احزاب سياسيه كبيره و قوائم معروفه في مجلس النواب و رجال اعمال لهم وزنهم كانوا عاوزين نعمللهم لجان الكترونيه ملك لهم بمقابل كبير و طبعا قوبل بالرفض ده غير باه رجل اعمال معروف جدا كان مرشح لمجلس النواب عرض مبالغ خرافيه علينا نظير تشويه سمعه النائب / تامر الشهاوي و ازاحته عن طريقه ظنا منه انه حيكسب الانتخابات و طبعا لم ينجح و بالتالي خسر و خسر ملايينه معاه .

و ده كان توضيح صغير رايت اني اقوله للاصدقاء اللي مهتمين بينا و بفريقنا و للمكاشفه امام الجميع كطلب بعض الاصدقاء و باذن الرحمن حتفضل ثقتكم فينا في محلها و حنعمل اي حاجه في الدنيا علشان خاطر بلدنا العظيمه اللي احنا واثقين انها بتعدي بمرحله صعبه و بتتجرع نسبه وعي ضخمه في وقت قصير نتيجتها حتكون بعد اللخبطه و التخبط خير كبير ووعي كبير و حقيقي نفس ما حدث ابان ثوره اوروبا الصناعيه و دايما يا رب مصر بخير و بسلام و بحب منصوره و محفوظه و قويه بشعبها العظيم و بجيشها و بشرطتها و شرفائها الكتير

http://rotter.net/forum/scoops1/86101.shtmlhttp://קבוצת האקרים מצרית ”Egyptian Cyber Army” תקפה שידור טלוויזיוני ”התוכנית”

 تعليقات الفيس بوك

 أخبار ذات صلة

[wysija_form id="1"]

انت لاتستخدم دايناميك سايدبار

جميع الحقوق محفوظة لجريدة البيان 2015

عدد زوار الموقع: 16863265
تصميم وتطوير