الإثنين الموافق 21 - مايو - 2018م

استشهاد النقيب عبدالمجيب الماحى وإصابة اللواء ناصر حسين بشمال سيناء اثناء توزيع السحور

استشهاد النقيب عبدالمجيب الماحى وإصابة اللواء ناصر حسين بشمال سيناء اثناء توزيع السحور

كتب – مصطفى النحراوى .                                   استشهاد النقيب عبدالمجيب الماحى، مدير مكتب مدير الأمن المركزي بشمال سيناء  وابن قرية الجعفرية مركز السنطة بمحافظة الغربية وإصابة اللواء ناصر حسين، قائد قوات الأمن المركزي بشمال سيناء، بإصابات خطيرة ونزيف بالمخ، واصابة الرائد أحمد المراسى وذلك إثر انفجار عبوة ناسفة بمنطقة الصفا بالعريش اثناء توزيع السحور علي الخدمات  وقد شهدت مدينة العريش استنفارا أمنيا مكثف ، حيث قامت أجهزة الأمن بشمال سيناء بتمشيط قرى الصف، والسلايمة، والطريق الدائري، بحثا عن مرتكبى الحادث.                                        كتب البطل النقيب عبدالمجيب الماحى بوست عبر صفحته على موقع التواصل الاجتماعي فيس بوك بتاريخ 2017/1/10      قال فيها                                     بجد شرف ليا اني اقضي الفترة دي من حياتي في سيناء أرض الفيروز أرض البطولات أرض اتروت علي مر العصور بدماء الشهداء العطره كل يوم بيعدي علينا هناك ومع كل حدث بيحصل ومع كل ظابط بيتصاب او بيستشهد بتبقي وراه بطوله كبيرة كان هوه بطلها وعاش فيها و عمر ما حد يتخيل حجم المواجهة الي هوه كان فيها و ازاي اتصدي ليها هوه و عساكره ومدي الصمود والعزيمة والايمان بالله الي كل جندي علي ارض سيناء موجود فيه وقد ايه لما بتحصل مواجهة مع العناصر التكفيرية النجسة ان الظباط و المجندين كلهم بيلبسو ويجهزو ويقفو يتخانقو مع بعض انهم يخرجوا عشان يجيبوا حق زمايلهم او يساعدوهم أو يوصلوا زمايلهم المستشفي او يروحوا يودعوهم في المستشفي قبل ما يتحركوا لمسواهم الاخير عرسان في الجنة شهداء في سبيل الله ويرجعوا تاني يقفو في نفس مكانهم مستنيين مواجهة تانية مبتسمين روحهم المعنوية عاليه تخليك تطلع سابع سما بطولات كتير وحكايات كتير يمكن لو اي حد سمعها شعره يقف بس هي دي الحقيقة ولو اي حد متابع الوضع في كل دول العالم و حجم الخسائر الي بتحصل نتيجة العمليات الإرهابية يعرف ان مصر حامي حدودها رجالة صامدين للنهاية
(إِنَّهُمْ فِتْيَةٌ ءَامَنُوا برَبِّهِمْ وَزِدْنـهُمْ هُدىً ) صدق الله العظيم
تحيا مصر تحيا مصر تحيا مصر                

 تعليقات الفيس بوك

 أخبار ذات صلة

[wysija_form id="1"]

انت لاتستخدم دايناميك سايدبار

جميع الحقوق محفوظة لجريدة البيان 2015

عدد زوار الموقع: 21739738
تصميم وتطوير
WP Facebook Auto Publish Powered By : XYZScripts.com